آرشیو
+ نوشته شده در ۱۳۹۱/۰۳/۲۲ ساعت 9:18 توسط رافیق
|
زلیم خان یعقوب - بو دونیانین هر اوزونی گورموشم
منیم یاشیم اوشاق یاشی دئیل کی
هر آغاجین مئیوه سینی درمیشم
آللاه منه نه وئریبسه ازل ده ن
من ده اونو بو دونیایا وئرمیشم
باخمامیشام شیطان لارین سؤزونه
دوز باخمیشام حقیقتین گؤزونه
عومروم بویو سئون لرین اوزونه
اوره ییمی سوفره کیمی سرمیشم
بو یول لاردا کیم آییلان کیم یاتان
آرزولارا کیم چاتمایان کیم چاتان
نه اؤلن م ، نه ایتن م ، نه باتان
قئزیل سؤزدن قئزیل دووار هورموشم
چوخ سونالار اوچورموشام گؤلوم دن
آلوو چیخار ایچریمدن چولوم دن
قورخوم یوخدو آیریلیق دان ، اؤلوم دن
بو دونیانین هر اوزونی گورموشم
+ نوشته شده در ۱۳۹۵/۰۷/۱۷ ساعت 9:55 توسط رافیق
|
كونول خاسي اوا ...
+ نوشته شده در ۱۳۹۴/۰۵/۲۲ ساعت 12:17 توسط رافیق
|
گلمه دين ...
بیر قوجاق گول باغلادیم گؤز یولدا قالدیم گلمه دین
عطریوی گاه دردیگیم گول لردن آلدیم گلمه دین
سن یوباندین انتظاردا سولدی بیر بیر گول لریم
تئز سولان گول لر کیمی سولدوم سارالدیم گلمه دین
باغریما باسدیم سازی سن سیز دونن آخشام چاغی
آغلاییب بیر آیریلیق آهنگی چالدیم گلمه دین
+ نوشته شده در ۱۳۹۴/۰۵/۲۲ ساعت 11:28 توسط رافیق
|
اولسون اولماسين؟ ...
سئوگلیم، کؤنلوم سنین حیرانین اولسون، اولماسین؟
جان دئیب، جاندان کئچن جانانین اولسون، اولماسين؟
بلکه بیلمیر سن اؤزون چوخدان منیم قلبیمده سن
جانینا باغلی بو جاندا جانین اولسون اولماسین؟
بیر گون هجران یوللاریندا کؤنلونه اوز وئرسه غم
اولدو ایلک بوسه م سنین درمانین اولسون اولماسین؟
شوخ چیچک لر گول لر اؤپسون گول دوداغیندان گره ک
عاشیقین باغچانداکی باغبانین اولسون اولماسین؟
+ نوشته شده در ۱۳۹۴/۰۵/۲۲ ساعت 10:50 توسط رافیق
|
نوصرت كسمنلي - ساخلايين گئده ن قاتاري ...
بو قاتار وصالدان حسرته گئدیر
وطن اوره ییمده ن غوربته گئدیر
دئیه سن آیری بیر قیسمته گئدیر
نه اولار،ساخلایین گئدن قاتاری
گولوشو آپاریر، گؤز یاشیم قالیر
اوره ییم بوشالیر، گؤزلریم دولور
بو قاتار آیریلیق هاواسی چالیر
نه اولار، ساخلایین گئدن قاتاری
زامانی دوغراییب بیچیر بو قاتار
سئوگیمین اوستوندن کئچیر بو قاتار
منیم گؤز یاشیمی ایچیر بو قاتار
نه اولار، ساخلایین گئدن قاتاری
یویورسم، چاغیرسام چاتا بیلمه رم
قلبیمده ن قوپاریب، آتا بیلمه رم
گئتدی می؟ بیر داها توتا بیلمه رم
نه اولار، ساخلایین گئدن قاتاری
منیم باهاریمی آپاریب گئدیر
الینی الیمدن قوپاریب گئدیر
قویمایین یاریمی آپاریب گئدیر
نه اولار، ساخلایین گئدن قاتاری ...
+ نوشته شده در ۱۳۹۴/۰۵/۱۴ ساعت 12:40 توسط رافیق
|
ساتما مني ...
گؤزلیم گؤزلریمه رحم ائله آغلاتما منی
عشقیمین قدرینی بیل،آیریسینا ساتما منی
من سنه جان دئمیشم،باغریمی قان ائیله میشم
بو غریبانه لرین محمئلینه آتما منی ...
+ نوشته شده در ۱۳۹۴/۰۴/۰۲ ساعت 21:5 توسط رافیق
|
علي آقا واحيد ...
دئديم اغيار ايله گزمه سنه چوخ يالوارديم
ايندي دينجل گوزه ليم منده اولوب قورتارديم
بير صداقتلي گؤزل تاپماديم عالم ده غرض
بو آز عمروم ده چوخ اطرافي گزيب آختارديم
جان هاني منده مني عشق دير ايندي ياشادان
اونو جانان منه ورميشيدي ينه قايتارديم
کونلوم آللاتدي مني حسنونه مه پاره لرين
سانمايين من بو وفاسيزلارا بئل باغلارديم
فلکين قدي بوکولموش سه من اوندان دا قوجا
اوندا کي يوخدي نه دونيا نه فلک من وارديم
سني من ايستديگيم گونلر اولوردوم سن سيز
عشقيمين سريني کونلومده نهان ساخلارديم
واحيدم عشق ده من ايندي ده ثابيت قدمم
وارام اوز ياريم لن من نئجه اول واريديم ...
+ نوشته شده در ۱۳۹۴/۰۲/۱۴ ساعت 18:35 توسط رافیق
|
ويديو - آشيق زولفيه عيباد اوا و اوغلي
+ نوشته شده در ۱۳۹۳/۱۲/۲۰ ساعت 10:59 توسط رافیق
|
ويديو - آشيق زولفيه عيباد اوا
+ نوشته شده در ۱۳۹۳/۱۱/۲۳ ساعت 13:46 توسط رافیق
|
اينسترومنتال موسيقي - ايكينجي حيصه
+ نوشته شده در ۱۳۹۳/۱۰/۲۴ ساعت 12:41 توسط رافیق
|
اينسترومنتال موسيقي - بيرينجي حيصه
+ نوشته شده در ۱۳۹۳/۱۰/۲۱ ساعت 9:45 توسط رافیق
|
ارسطو مجرد - ياغمورلار تانيير سني ...
دوشمز بير آن
اللريمدن فيرچا ...
اللريمدن بويا ...
رسميندن پلاكارد لار دوزلدركن ...
الوان قوووخ لارلا
آغ بولودلاردان آسديم ...
ايندي تامام ياغمورلار تانيير سني ...
+ نوشته شده در ۱۳۹۳/۱۰/۱۴ ساعت 12:40 توسط رافیق
|
سكينه قريب - بير فينجانيم وار ايدي ...
هر گون اؤزومو سوپوروب آتیرام ائودن چؤله ...
کول قابیمداکی اؤلموش سیقارئت جسدی کیمی اؤلورم هر گون ...
من دوغولاندا بیر ملک اؤلموشدو بیر اوشاغین قلبینده ...
ساحيلده سو ایتی جسدلری وار ایدی اوندا ...
بالاجا ایدیم، بیر فینجانیم وار ایدی
رنگلی، باپبالاجا ...
او دا اؤلدو دونن گئجه ...
چیرپدی اؤزونو الیمده ن یئره
دؤزمهدی ...
+ نوشته شده در ۱۳۹۳/۰۹/۱۷ ساعت 13:5 توسط رافیق
|
سكينه قريب - گئده جم ...
چیخیب گئدهجم بورالاردان ...
گؤتورمهیهجم یاریمچیق یازیلاریمی،
ان سئودیگیم فینجانیمی ...
بیر بوغچایا ییغیب خاطرهلریمی،
آتاجام محلهمیزده کی زیبیل یئشیگینه ...
یئنه ساچلاریمی دیبینده ن ووردوروب،
ننه مین یایلیغی،آتامین گولوشو،آنامین سسی اوچون
داریخماغیمی گؤتوروب گئدهجم...
اونو تانیدیغیم گون گئیدیگیم کؤینك ین بیر دویمهسینی،
سئودیگین هر ماهنیدان بیر نوت گؤتوروب گئدهجم...
+ نوشته شده در ۱۳۹۳/۰۹/۱۷ ساعت 12:14 توسط رافیق
|
شجاعت - آ داغلار ...
من گئدیرم غوربت ائله
سن سالامات قال آ داغلار
حالاللیق وئر قوی قالماسین
اؤره ییمده خال آ داغلار
هانی منده دؤزوم سن سیز
سؤنه جکدی کؤزوم سن سیز
قان تؤکه جک گؤزوم سنسیز
اولاجاغام لال آ داغلار
دوستوم یاریم کئچیر گئنده ن
دردیم آرتیر گؤنو گؤنده ن
منی غمده ن، غمی منده ن
آل آ داغلار، آل آ داغلار
گؤنش گزیب یورولاندا
سازین سیمی قئریلاندا
گؤیده قارتال وورولاندا
منی یادا سال آ داغلار
قایالاری اله دؤندر
جئغیرلاری تئله دؤندر
شجاعتی کؤله دؤندر
بیر کرمی چال آ داغلار
+ نوشته شده در ۱۳۹۳/۰۹/۱۶ ساعت 22:19 توسط رافیق
|
بهمن وطن اوغلو - سنین قوجاغوندا ...
بو دونیانی اونودارام
گولوم سنین قوجاغوندا
بیهوش اولوم قوی لال اولسون
دیلیم سنین قوجاغوندا
تاپسا منی قضا قدر
عؤمروم گونوم گئتسه هدر
خوش دور منه چکسم اگر
ظولوم سنین قوجاغوندا
یا وعده نی بو یازا وئر
یا بهمنی گؤدازا وئر
هئچ اولماسا ایجازا وئر
اؤلوم سنین قوجاغوندا
+ نوشته شده در ۱۳۹۳/۰۹/۱۶ ساعت 21:57 توسط رافیق
|
...
عاشیق اولانی زولفونه، ای گول ده لی یم من
اؤلدور منی آسوده ائله، اؤلمه لی یم من ...
زولفون کیمی آردونجا سوروننم هارا گئتسن
هر یئرده سریللم یئره گویا خلی یم من ...
+ نوشته شده در ۱۳۹۳/۰۹/۱۶ ساعت 21:35 توسط رافیق
|
سردار زينال - گل آچ اوره ييني ...
گل آچ اوره ييني دينله ييم سني
دنيز تك چكيليب قابارير سينه ن
ديلين ديه بيلمير قلبين ديه ني
آز قالير آليشان گؤزلرين دينه ...
باخيشين كدرلي، اوزون اوتانجاق
بلكه ده قوورولور سؤز اوره يينده
من اوني بيليره م حايات دا آنجاق
سيرلي بير دونيا وار قيز اوره يينده ...
ياناقين قيزاريب سسين تيتره يير
دوروب كيپريگينده داملا داملا ياش
تورپاغا زيلله نن باخيشين ديير
تزه جه سئويرسن سن ياواش ياواش ...
بيلميرسن حيس كئچر هوس اوتري
دييرسن خوشبخت دير كيمين ياري وار
گوره رسن، سئويليب سئونده ن بري
عؤمرون، اه، نه قدر عذاب لاري وار ...
+ نوشته شده در ۱۳۹۲/۱۱/۲۱ ساعت 12:27 توسط رافیق
|
زليم خان يعقوب - سس لي شعر ...
+ نوشته شده در ۱۳۹۲/۱۱/۰۶ ساعت 11:4 توسط رافیق
|
باغيشلايا بيلميرم ....
بیریمیز قیش اولدوق، بیریميز باهار
سانکی بیلینمیردی، بیزده سئوگی وار
سؤندو اوره گيمده شیرین آرزولار
سنی باغیشلایا بیلمیرم آرتیق ...
سویویوب باخیشین، سویویوب قلبین
الیمه دگمهسین او سویوق الین
حسرتین چکدیردین منه ایل لرین
سني باغيشلايا بيلميرم آرتيق ...
+ نوشته شده در ۱۳۹۲/۱۰/۱۸ ساعت 9:1 توسط رافیق
|
نيظامي گنجوي ...
حوسنون گوزه ل آیت لری، ای سئوگیلی جانان
اولموش بوتون عالم ده سنین شانینه شایان
گل ائیله عينايت، منه وئر بوسه لبیندن
چونکی گوزه لین بوسه سی دیر عاشيقه احسان
سوردوم کی کونول هاردادیر آلدیم بو جاوابی
هئچ سورما، تاپیلماز اونو آختارسا دا اینسان
رحم ائیله دئییب، سئل کیمی گوز یاشیمی توکدوم
کیم، قانیم ایله ال یوما، اي آفت دووران
اینصافین اگر وارسا، آچیق ده، بو نظامی
سن له نئجه رفتار ائله سين، اي مه تابان؟
+ نوشته شده در ۱۳۹۲/۱۰/۰۵ ساعت 11:47 توسط رافیق
|
اردبيل قار آلتيندا ...
شكيل لرين چكني : فرزاد تقي زاده
+ نوشته شده در ۱۳۹۲/۰۹/۲۶ ساعت 12:5 توسط رافیق
|
خومار قدیم اوا
+ نوشته شده در ۱۳۹۲/۰۸/۱۰ ساعت 11:57 توسط رافیق
|
زلیم خان یعقوب - بو یئرلرده قالاردیم ...
داغلار منه گل- گل دئسه اورک دن
گلیب، ائله بو یئرلرده قالاردیم
طبیعتله سئوینجیمی، دردیمی
بؤلوب، ائله بو یئرلرده قالاردیم
نفسیمده یاشاداردیم عطرینی
عزيزلردیم چیچکلرین خطرینی
عؤمرون- گونون قیمتینی، قدرینی
بیلیب، ائله بو یئرلرده قالاردیم
نه گؤزه ل دیر بو داغلارین تالاسی
من گئتسم ده، کؤنلوم بوردا قالاسی
سئوسه منی بیر ظالمین بالاسی
اؤلوب، ائله بو یئرلرده قالاردیم
+ نوشته شده در ۱۳۹۲/۰۷/۳۰ ساعت 10:52 توسط رافیق
|
اولو تانری یا شوکورلر اولسون کی منه بو وبلاگی یاراتماغا ایمکان وئردی بلکه گؤزه ل آذربایجانیمیزی اوجالتماق یولوندا بیر دستک اولسون . منیمجه بیزلره گره کدیر کی آذربایجان ایگیت ائلیمیزی ، آذربایجان شیرین دیلیمیزی ، آذربایجان معنالی ادبیاتیمیزی و آذربایجان دویغولو موسیقیمیزی قورویوب ایندیکی و بیزدن سونراکی نسیل لره یئتیره ک . من بئله ظن ائدیرم کی هر کیمسه آنادیلینی و آنا توپراقینی دانسا ، کئچه جک و گله جک نسیللره بورجلی قالیر و بو بورجی هئچ زامان اؤده مک اولماز . سئوینیرم کی من گئجیکسم ده بو گون باشلاییرام . سیزدن ده ایسته ییم بودور کی منیم بو یولدا الیمدن توتوب کؤمک چیم اولاسیز .